Kategoriaj arkivoj: Uncategorized

Novaj libroj de David Richardson alvenis

David Blair Richardson, 1926-2012

Hodiaŭ pli ol 400 libroj alvenis el la heredaĵo lasita de David B. Richardson (anglalingva nekrologo), verkinto de la vaste uzata lernolibro Esperanto: Learning and Using the International Language, Shamrocks on the Tanana (anglalingva biografio pri Richard H. Geoghegan), kaj La Rubaját de Omar Kajjám laŭ la kvina eldono de la verko de Edward Fitzgerald.

La libroj de David Richardson, en la aŭto de Les kaj Arlyn Kerr, kun Shiela McIntire, filino de Richardson

Advertisements

Komenti

Enarkivita sub Uncategorized

Novaj libroj alvenontaj

Derek Roff en Nov-Meksiko lastatempe proponis donaci kelkcent librojn (postlasitajn de Roan Orloff Stone, kiu mortis en 1992) al Biblioteko Culbert. Tio certe ankoraŭ pli riĉigos nian kolekton, fortigante la statuson de Biblioteko Culbert kiel unu el la ĉefaj Esperanto-bibliotekoj de Norda Ameriko.

1 komento

Enarkivita sub Uncategorized

La plej plena l…

La plej plena listo de la enhavo de nia kolekto estas trovebla ĉe https://sites.google.com/site/bibliotekoculbert/kolekto

Komenti

Aprilo 28, 2012 · 6:47 ptm

UW World Languages Day (malnova mp3)

La Universitato de Vaŝintonio (UW, elp. [judab’]) ĉiujare prezentas tuttagan eventon por mezlernejanoj eventuale studentiĝontaj ĉe UW, nome “World Languages Day” (kiun ni senctorde esperantigas kiel “Mondlingva Tago”: la intencita senco estas pli proksima al “Tago de la Lingvoj de la Mondo”). Jam de pli ol dek jaroj la Seatla Esperanto-Societo ĉiujare faras prezentaĵon kadre de tiu evento. Lastatempe Haruo trovis sonbendan kasedon registritan antaŭ pluraj jaroj (li ne scias, precize kiam, sed li konjektas ĉ. 2004), kaj nun ni faris el tio dosieron mp3. La voĉoj estas Jim Droege, Ros’ Haruo, Ghuzal Badamshina, kaj aliaj. Pro limigoj pri la specoj de dosieroj alŝuteblaj ĉi tien, mi devas loĝigi ĝin en mia himnologia blogo, kvankam tie ĝi tute mislokiĝas. Jen ĝi tie.

Komenti

Enarkivita sub Uncategorized

Sukcesa lanĉo

Hieraŭ 11 homoj ĉeestis la februaran kunsidon de Seatla Esperanto-Societo, kaj poste 13 homoj partoprenis la inaŭguron de Biblioteko Culbert en nia eksaŭtejo. Unu prunteprenis plurajn aĵojn, ĉefe por skani—3 KDojn (de Akordo, Jacques Yvart kaj Kajto), unu vidbendon (La graveco de la Fideliĝo), kaj 3 kajerojn de Tendaraj tagoj—kaj Frances kaj Alazel Acheson donacis belan malhumidigilon por helpi protekti kaj konservi la bibliotekajn havaĵojn.

Komenti

Enarkivita sub Uncategorized

Ĵus alvenis: Conlangs

Hieraŭ en la poŝto alvenis nia ekzemplero de la nova DVD Conlangs (aŭ Lord of the Conlangs).

Eltiraĵo ĉe YouTube (farita dum la kreado de la filmeto, ne precize tiel ĝi aperas en la fina versio) montras ĝis kioma grado ĝi kalumnias Esperant(ist)o(j)n. Tamen ĝia amrakonto estas bela, kaj oni povas argumenti ambaŭ de la demando, ĉu oni “subtenu” ĝin. Kelkrilate oni eble povus analogiigi ĝin al la (fi?)famega “Birth of a Nation” (D. W. Griffith, 1915). 😉


Yesterday our copy of the new DVD Conlangs (or Lord of the Conlangs) arrived in the mail.

An excerpt on YouTube (made during the early stages of filming the short; it doesn’t appear quite like this in the final version) shows the degree to which it slanders Esperanto and Esperantists. Still, its love-story plot is pretty, and you can argue both sides of the question, should we “support” it. In some respects an analogy could perhaps be drawn with D. W. Griffith’s 1915 (in?)famous “Birth of a Nation“. 😉

Komenti

Enarkivita sub Uncategorized

Novaj bretoj

Les kaj Arlyn Kerr hodiaŭ (nu, hieraŭ, ĉar mi skribas post noktomezo) donacis al ni bretaron el metalaj stangoj kaj kartonan skatolaron kiu tenos centojn da libroj aŭ centmilojn da paperfolioj. Ambaŭ (kaj librojn kaj foliojn) la Biblioteko kompreneble havas abunde.

Komenti

Enarkivita sub Uncategorized